26 Sept 08

第一次係公司發脾氣...依家諗番起....都覺得好荒謬....
發脾氣既原因唔係因為工作....而係因為係公司既位...
話說本來一早番到公司...其實都唔早....九點幾...
咁見到個同事隔離有位....咁咪問佢"有冇人囉?" .
咁佢答..."留左俾xx" ..咁我咪坐係佢隔離再隔離囉...
其實個陣都唔為意會好迫...
跟手個個同事番到既時候....我已經開晒個壇.......
本來我都諗住開口話不如我坐開.....
點知係我未開口之前...佢就已經一輪咀講話自已一個坐....拎埋自已個袋走左....
咁原本幫佢霸位個個同事就執野走佢佢度坐....
跟住我就走去話要自已坐既同事面前話"妖....以後都唔坐你隔離!" ...因為我覺得咁樣好煩.....
其實個陣只不過係因為我覺得, 好似我遲番黎...但係坐左去你隔離個位度...
搞到迫走左原本幫人霸位同己經有位既同事....
一時無名火起就爆左句咁既野出黎....仲要係好大聲咁....
真白痴....為左個位就發脾氣...
睇黎我d EQ 真係要訓練下....
搞到依家返到公司都面左左.....

不過最最最唔開心既係....只不過係隔左一陣...
我係另一位同事(唔在場)既口中....聽到.....有第三個同事係度講....
我同兩個同事爭位....所以我發脾氣...
聽完之後....我只係諗..."下....你skip 晒中間d 野bor ...唔清楚...咪亂講啦....你老味..."
睇黎係公司除左少說話之外.....
仲要好小心坐係你周圍既其他人.....唉....

本來個晚去海洋公園哈囉喂....之前都話約左一齊玩....
點知發生左件咁既無聊既事之後.....唉.....

27 Sept 08 ...
一早起身既時候已經係十二點幾......
出左去cathy 屋企....Belle team small gathering ...haha...
打麻雀...
點知我唔記得左904 個站....
搞到遲左半個鐘先到.....
打到八點幾....埋單....輸六蚊....
但係Cathy 一個就贏左百幾蚊....
輸得最咁既係Stan ...Alice 都唔好得好多...
果然主場有so ...haha...
之後去左食坤記.....無晒煲仔飯.....不過就咁叫餸食都好好味....

28 Sept 08 ...
起身之後同alex 去左旺角.....
買suit ....超hea ...
本來諗住去度身訂做....
點知....唔知點解又無去左佐敦.....求求其其咁去左旺角就算...haha...
買完之後去左又一城食Cova Dessert Buffet ..!!!
超好味....雖然無Grand Hyatt 咁多....
但係我覺得比個度仲好味....hohoho...
係呢度要特別多謝Trudy ...因為佢請....wakakakaka!!

29 Sept 08 ...
Dal Beri 第四場比賽....
隻腳真係好痛....踢完之後行都覺得痛....
如果下場波都仲覺得痛既話....真係要去睇睇醫生...
呢場波....我地先入兩球....之後俾人連入兩球....Shit ...
如果唔係隻腳痛...第二球我飛到落地...就唔會俾人入....
唉....做到和波罪人tim ...
下場要努力...!!